Námskeiðið er haldið á vegum EHÍ og munu þær Valgerður Halldórsdóttir félags- og fjölskylduráðgjafi og María Júlía Rúnarsdóttir lögfræðingur sjá um kennsluna.
Námskeiðið verður dagana 5. nóvember kl. 14:30 – 17:00 og 6. nóvember kl. 9:30 – 12:00
Á námskeiðinu verður fjallað stuttlega um helstu verkefni stjúpfjölskyldna. Áskoranir starfsfólks skóla og stöðu nemenda sem eiga tvö heimili. Jafnframt hvernig megi virkja betur bakland þeirra og auka öryggi starfsmanna í samskiptum við heimilin svo sem við undirbúning foreldrafunda og annarra viðburða í skóla. Þá er skoðað hvernig varast megi að ala óvart á ágreiningi milli heimila og óánægju foreldra, sem og stjúpforeldra sem oft á tíðum eru mikilvægir aðilar þegar kemur til dæmis að heimanámi barn og stuðningi við þau. Jafnframt verður farið í lagalegu hlið samstarfs heimila og skóla.
Námskeiðið er ætlað kennurum, skólastjórnendum, náms- og starfsráðgjöfum sem og öðru fagfólki innan skóla sem er í beinum samskiptum við börn og aðstandendur þeirra.
Námskeiðið er á vegum Endurmenntunar Háskóla Íslands, skráning fer fram á Stjúpfjölskyldur og skólinn: stillum saman strengi | Endurmenntun Háskóla Íslands
Við hvern á að hafa samstarf þegar börn eiga foreldra á tveimur heimilum og stundum stjúpforeldra á þeim báðum? Er lögheimili látið ráða? Hver má fá upplýsingar? Má stjúpforeldri koma á foreldrafundi? Á að bjóða upp á einn eða fleiri fundi vegna barns sem á foreldra á tveimur heimilum?
