Stjúptengsl fyrir fagfólk – Grunnur

kr. 58.000

Mikilvægt er að fagfólk sem vinnur með stjúpfjölskyldum í starfi sínu auki ekki óvart á streitu með þekkingarleysi í stað þess að draga úr henni. Námskeiðið er fyrsta námskeiðið af þremur námskeiðum sem ætlað er fagfólki.  Hvert námskeið er 12 tímar, alls 36 tímar. 

Margt fagfólk vinnur með stjúpfjölskyldum þ.e.fjölskyldum þar sem annar eða báðir aðilar eiga barn/ börn úr öðrum samböndum, sem og fjölskyldum einhleypra foreldra. Börn einhleypra foreldra geta líka tilheyrt stjúpfjölskyldu hjá því foreldri sem ekki er með lögheimili og mög eiga hálfsyskini á heimili einhleyps foreldris.

Áskoranir fagfólks eru margvíslegar þegar kemur að stjúptengslum.

  • Hvern á fagmaðurinn að boða í viðtal? Aðeins lögheimilisforeldri eða báða foreldra – hvað með stjúpforeldra?
  • Er nóg að veita aðeins öðru heimili barns upplýsingar um lyfjagjöf, heimanám eða meðferð?
  • Hentar það öllum fjölskyldum að fagfólk t.d. á sjúkrahúsum gerir kröfur um „aðeins einn“ tengilið í fjölskyldu?
  • Hvers vandamál er það ef ekki næst um það samkomulag?
  • Hvaða áhrif geta deilur foreldra haft á aðlögun barns í stjúpfjölskyldum – og líðan?
  • Hvaða áhrif getur fagmaðurinn haft á stjúpfjölskyldur til hins verra – og til hins betra?
  • Þarf að taka mið af stjúptengslum í uppeldisráðgjöf?
  • Eru deilur foreldra með börn á tveimur heimilum einkamál þeirra?
  • Hverju þar að huga að við fæðingu barns í stjúpfjölskyldu?
  • En við andlát í stjúpfjölskyldum?
  • Af hverju fara börn í stjúpfjölskyldum frekar fyrr að heiman eða hlaupa frekar að heiman en í öðrum fjölskyldum?
  • Hvernig virkar það á börn, foreldra þeirra og stjúpforeldra þegar starfsfólk  leikskóla eða skóla tekur mynd af barninu fyrir framan „húsið sitt“?
  • Hvað með hitt heimili barnsins? Hvernig getur fagfólk nýtt sér fjölbreytilegt bakland fólks í vinnu sinni?
  • Eiga stjúpforeldrar að vera hluti af sáttameðferð?
  • Hvaða áhrif geta ósveigjanlegar reglur um mætingar og þátttöku á mótum og æfingar haft á íþrótta -og tómstundaiðkun barna með tvö heimili?
  • Getur verið nauðsynlegt að ræða við og fræða báða foreldra um lyfjagjafir eða er kannski í lagi að barn sé á lyfjum aðra hvora viku?

Áskoranir fagfólks eru sumar hverjar ólíkar og efni í sérsniðin námskeið og umræður en grunnurinn að þeim oftast svipaður. Flestar stjúpfjölskyldur eru að takast á við svipaðar áskoranir sem mikilvægt er að þekkja í vinnu með þeim.

Á námskeiðinu er fjallað um:

  • Kenningar
  • Sýnileiki stjúpfjölskyldna – staðalmyndir og stjúpblindu samfélagsins
  • Algengar áskoranir – goðsagnir og raunveruleiki
  • Hver tilheyri fjölskyldu skjólstæðings míns? Bakland – stefna stofnunar

Ávinningur:

  • Þekkir helstu áskoranir stjúpfjölskyldna
  • Kemur auga á óraunhæfar hugmyndir og hvernig þær geta gert aðlögun stjúpfjölskyldunnar erfiðari
  • Komið að stefnumótun í málefnum stjúpfjölskyldna og barna og ungmenna sem tilheyra tveimur heimilum.
  • Getur komið að bættri skráningu á vinnustað
  • Öðlast skilning á þörfum stjúpfjölskyldumeðlima
  • Meira öryggi í samstarfi við stjúpfjölskyldur og heimili
  • Þátttakendur í stjúptengslum hafa jafnframt sagt að námskeiðið gagnast bæði í einkalífi og starfi

Kennslufyrirkomulag:  fyrirlestur, umræður, myndband. Allir þátttakendur fá staðfestingu á þátttöku sinni. Hægt er að nýta námskeiðið upp í mat á sérfræðiréttindum.

Fyrir hverja: félagsráðgjafa, sálfræðinga, kennara á öllum skólastigum, hjúkrunarfræðinga, þroskaþjálfa, ljósmæður,  lækna, iðjuþjálfa, presta, áfengis- og vímuefnaráðgjafa, lögmenn, lögreglumenn,  sýslumenn, náms-og starfsráðgjafa, tómstundafulltrúa og aðra sem vinna með fjölskyldum.

Hvenær og klukkan hvað:  fimmtudag og föstudag frá  kl. 9.00-15.00  báða daga. Námskeiðið verður haldið á höfuðborgarsvæðinu nema ef næg þátttaka fæst er hægt að halda námskeiðið utan þess.  Ef vinnustaðir geta lagt til húsnæði leggst ekki aukakostnaður á vegna þess á landsbygginni.

Námskeiðsmat:

  • „Efni námskeiðsins mun nýtast mér í starfi“ – 93% mjög/sammála
  • „Ég er ánægð/ánægður með námskeiðið í heild sinni“ – 96,4% mjög/sammála
  • „Námskeiðið getur gagnast mér í einkalífi“ – 78% mjög/sammála

 

Flokkur: Merkimiðar: , ,