Samvinna skóla við aðstandendur barna með tvö heimili – Örnámskeið ætlað skólafólki 12. janúar 2022

kr. 18.000


Á námskeiðinu verður fjallað stuttlega um:

  • Fjölskyldustefnu skóla og hvernig styrkja megi nemendur með foreldra á tveimur heimilum, sem ogkennara og aðstandendur í sínu hlutverki gagnvart skólagöngu barns/ungmennis.
    • Stjúpblindu samfélagsins
      • Sum vel meinandi verkefni skóla, sem og ráðgjöf til fjölskyldna með börn á tveimur heimilum geta óvart valdið aukinni streitu, þegar ætlunin var að draga úr henni.
      • Verkefni sem börnum er ætlað að leysa með „einu blaði“.
    • Helstu áskoranir og sérstöðu stjúpfjölskyldna
    • Foreldraviðtöl – hvernig megi undirbúa þau og boða.
    • Ráðgjöf til foreldra og stjúpforeldra.

Að námskeiðinu loknu ætti starfsmaður skóla:

  • að þekkja helstu áskoranir stjúpfjölskyldna
  • geta tekið þátt í mótun fjölskyldustefnu skóla sem tekur m.a. mið af börnum sem eiga tvö heimili.
  • vera betur í stakk búinn fyrir foreldraviðtöl við foreldra/stjúpforeldra
  • Að geta „normalíserað“ og veitt ráðgjöf upp að vissu marki til foreldra/stjúpforeldra.

Kennari námskeiðsins er Valgerður Halldórsdóttir:

  • Hún hefur lokið MA námi í félags- og fjölskylduráðgjöf(MSW),  sáttameðferð, kennslu- og uppeldisfræði, BA í stjórnmálafræði auk MA námskeiða í blaða -og fréttamennsku auk fjölda námskeiða

Starfsreynsla

  • Hún hefur rekið eigin meðferðarstofu og heimasíðuna stjuptengsl.is frá 2004.
  • Hún er að auki í hlutastarfi sem sérfræðingur í málefnum barna og sáttamaður hjá Sýslumanninum á höfuðborgarsvæðinu frá 2018.
  • Vinna fyrir barnaverndir/sveitarfélög tilfallandi verkefni.
  • Kennir um stjúptengsl/sáttameðferð í fjölskyldumeðferðarnámi við EHÍ.
  • Hún hefur skrifað fjöldan allan af greinum um fjölskyldumál og er höfundur bókarinnar „Hver er í fjölskyldunni? Skilnaðir og stjúptengsl“ sem kom út hjá Forlaginu haustið 2012

Áður

  • Hún var aðjúnkt við Háskóla Íslands frá árinu 2012 til 2020 þar til hún sagði upp vegna anna, og kenndi bæði á MA og BA stigi m.a. vinsælt námskeið um skilnað og stjúptengsl.
  • Fram að þeim tíma var hún framkvæmdastjóri Félagsráðgjafafélags Íslands, kom við á félagsþjónustunni í Reykjavík, framhaldsskólakennari við MS og FB, skólafélagsráðgjafi í Lækjarskóla og Setbergsskóla í Hafnarfirði – og Menntaskólanum við Sund.