Tilboð!

Fagfólk-Stjúptengsl, endurgerð fjölskyldusamskipta 10.okt -11. nóv. 2022

kr. 150.000


Markmið námskeiðsins er að veita þátttakendum þekkingu á málefnum stjúpfjölskyldna, áskorunum þeirra og sérstöðu. Fjallað verðum um stjúpfjölskyldur í ljósi innlendra og erlendra rannsókna sem og sögunnar, tölfræðilegra upplýsinga og lagalegra þátta. Sérstök áhersla er lögð á að skoða hvernig málefni stjúpfjölskyldna snerta störf þátttakenda og áskornir fagmannsins. Jafnframt er fjallað um og æfð meðferðarvinna með stjúpfjölskyldum. Þá er athygli beint að stefnumótun og þjónustu við stjúpfjölskyldur.

Flokkur: Merkimiði:

Markmið námskeiðsins er að veita þátttakendum þekkingu á málefnum stjúpfjölskyldna, áskorunum þeirra og sérstöðu. Fjallað verðum um stjúpfjölskyldur í ljósi innlendra og erlendra rannsókna sem og sögunnar, tölfræðilegra upplýsinga og lagalegra þátta. Sérstök áhersla er lögð á að skoða hvernig málefni stjúpfjölskyldna snerta störf þátttakenda og áskornir fagmannsins. Jafnframt er fjallað um og æfð meðferðarvinna með stjúpfjölskyldum. Þá er athygli beint að stefnumótun og þjónustu við stjúpfjölskyldur.

Að loknu námskeiðinu hafa nemendur fengið breiðan og traustan undirbúning til að vinna að málefnum stjúpfjölskyldna. Einnig hafa þér öðlast þekkingu og skilning á málefninu til að geta lagt af mörkum í og milli stofnana og sviða. Þá hafa þeir hlotið færni til að veita upplýsingar og almenna ráðgjöf á sviðinu.

Kennari: 

Valgerður  Halldórsdóttir hefur lokið MA námi í félags- og  fjölskylduráðgjöf(MSW),  sáttameðferð, kennslu- og uppeldisfræði, BA í stjórnmálafræði auk MA námskeiða í blaða -og fréttamennsku. Hún hefur jafnframt tekið fjölda námskeiða á hinum ýmum sviðum er snerta starf hennar s.s. um handleiðslu, ofbeldi,  kvíði, stjórnsýslu- og stjórnsýslulögum. Nýjustu námskeiðin sem eru  Forensic Interviewing of Children Training á vegum National Children’s Advocasy Center, Huntsvill, Alabama,  Child Inclisive Mediation

Hún er með starfsleyfi Landlæknis sem félagráðgjafi  og Menntamálaráðherra sem framhaldsskólakennari.  Frekari upplýsingar um starfsreynslu má finna hér.

Hæfniviðmið:

Að loknu námskeiðinu skal þátttakandinn:

• geta unnið með og leiðbeint stjúpfjölskyldum með algengar uppákomur
• þekkja helstu meðferðarnálganir í vinnu með stjúpfjölskyldum
• þekkja til stöðu stjúpfjölskyldna og geta unnið að stefnumótun í málefnum þeirra á vinnustað
• þekkja til innlendra sem og erlendra rannsókna um stjúpfjölskyldur
• geta komið að fræðslu um stjúptengsl fyrir skólstæðinga og vinnustaði
• þekkja lagalega þætti sem snerta stjúpfjölskyldur

Forkröfur um menntun:

  • Nemendur skulu að lágmarki hafa Ba próf eða Bs próf.

Kennslufyrirkomulag:

  • Fyrirlestrar, hóp- og paravinnavinna,  verklegar æfingar. Rík áhersla er á þátttöku nemenda í tímum.

Námsmat:

• Ritgerð/skýrsla/stefnumótun/tímritsgrein tengda vinnustað viðkomandi, gildir 60%. Verkefni skal skilað eigi síðar en 25. nóvember 2022 í tölvutæku formi á netfangið stjuptengsl@stjuptengsl.is
• Nemendur sem það vilja nýta geta fengið góða handleiðslu á verkefni sitt.
• Þátttaka, örverkefni og verklegar æfingar – skýrsla, gildir 40%.

Kennsludagar:

  • 10. október frá kl. 13.00 til 17.00
  • 11. október frá 8.30 til 12.30
  • 12. október frá 8.30 til 12.30
  • 10. nóvember kl. 8.30 til 15.20
  • 11.nóvember kl. 8.30 til 12.30

Hægt er að fá senda nánari kennsluáætlun fyrir þá sem þess óska .

Útskrift og kynning lokaverkefna verður 19. des. 2022 (nánar auglýst síðar)

Námskeiðið samsvarar fimm einingum og munu þátttakendur frá staðfestingu á þátttöku sinni. Kennari hefur kennt svipað námskeið en mun styttra við Félagsráðgjafadeild HÍ. Hægt er að nýta námskeiðið upp í réttindi til sérfræðiviðurkenningar hjá sumum starfsstéttum.

Nemendur sem ljúka námskeiðinu að fullu munu verða kynntir á heimasíðu stjuptengsl.is


Umsagnir nemenda:

Guðrún Herborg Hergeirsdóttir, Artþjálfi og iðjuþjálfi

„Námskeiðdagarnir um stjúpfjölskyldur og endurgerð fjölskyldusamskipta hafa verið lærdómsríkir og hvetjandi. Sjaldan sem maður hefur aðgang að sérfræðingi á þennan máta þ.e. að geta setið
augliti til auglits, spurt og rýnt. Auk þess er það að vera á námskeiði með öðrum fagaðilum er
alltaf dýrmætt því það víkkar sjónarhringinn enn frekar.

Katrín Þrastardóttir, VerkefnastjóriART teymis. Katrín er Fjölskyldu ART ráðgjafi, ART þjálfari og með Sálfræði BSc.

„Mér þótti námskeiðið gríðarlega upplýsandi, skemmtilegt og gagnlegt.  Stjúpfjölskyldur geta vegna þrýstings samfélagsins, átt erfitt með að viðurkenna það að fjölskyldumynstur þeirra sé ef til vill flóknara, og þær þurfi meiri stuðning. Síðan fær stjúpforeldrið jafnan hól frá samfélaginu fyrir að ganga í öll hlutverk kynforeldris þegar það er ekki endilega það besta fyrir stjúpfjölskylduna“

Erla Rún Sigurjónsdóttir, ljósmóðir

„Ég held að stúpblinda samfélagsins sé helst það sem getur verið hamlandi í starfi sem mínu. Ég er vön að ræða hluti eins og samskipti parsins og gagnkvæman stuðning eftir fæðingu, stuðning stórfjölskyldu við foreldra og aðlögun eldri systkina. Sé það gert án tillits til flókinna tengsla stjúpfjölskyldna getur það verið skaðlegt og jafnvel ýtt undir tilfinningu um útilokun ákveðinna fjölskyldumeðlima. Allt þetta þarf að nálgast á annan hátt en áður séu stjúptengsl til staðar“.

Björk Erlendsdóttir, náms- og starfsráðgjafi,  skólafélagsráðgjafi.

„Eftir að hafa setið námskeiðið sé ég meiri þörf á að auka fræðslu til samstarfsfólks um sérstöðu stjúpfjölskyldna. Nemendur geta verið að ganga í gegnum miklar breytingar t.d. vegna skilnaðar foreldra eða foreldris og stjúpforeldris, nýrra stjúptengsla , flutninga og búsetu á tveimur heimilum og ná oft ekki að  fylgja þeim fullorðnu eftir. Það getur því reynst erfitt að einbeita sér og haft áhrif á námsárangur, mætingar og stuðning að heiman. Stundum bætist líka við óöryggi fagfólks að vita ekki við hvern á að hafa samband og hvernig nýta má baklandið“.

Fanney Jónsdóttir, fjölskyldufræðingur

Námskeiðið var í allastaði frábært. Valgerður er hafsjór af fróðleik þegar kemur að stjúptengslum og hef ég verið að nýta mér efnið í viðtölum á minni stofu í vinnu með stjúpfjölskyldum og pörum þar sem börn af fyrra sambandi koma við sögu.